香水- 一個殺人者的故事

晚飯後約左卡生到UA朗豪坊睇9:25pm。因為要上賀歲片，所以呢部上左個多禮拜既戲，全日只係得一場，不過估唔到仍然坐無虛設。

故事發生響18世紀法國，講述一個香水學徒點樣殺13條女製屍油，用黎溝出一隻"驚天地，泣鬼神"既香水。連聽左好耐既香水重鎮Grasse都有影埋，呢個地方以前東風電視一到廣告時段成日播。

套戲開頭有大半係用旁白交待，悶就其實唔悶，但最敗筆係臨尾10分鐘：太過誇張呢"13隻屍油"製成品既香噴噴程度，睇到我如墮五里霧中。學卡生話齋，行刑整死佢咪算囉，唔駛攪到家陣爛尾!!