士林夜市

由淡水坐捷運回程途中，順道到士林“掃一掃場”。

6pm抵達，以為早少少無咁多人，原來一樣好鬼迫!

必食既：









豪大大鹽酥雞扒 – 塊面咁大，外面脆口，裡面仍然好juicy；初食者一試難忘。
十全大補排骨 – 味道有d似肉骨茶，好彩唔係太大碗；下次會選Connie揀既小排，容易d吮。
大餅包小餅 – 用軟身薄餅包住炸脆左既餡餅，再用刀將炸餅拍碎。味道有鹹有甜，芝麻、花生、咖哩、麻辣乜都有；我地揀左芝麻味。

本來想試埋“大腸包小腸”，即大條香腸切開，再夾住條細d既烤香腸。但呢個share黎食真係有d難度，所以寧願留返d quota去食個素菜水煎包。

黎多杯愛玉冰加山粉圓，黎結束今日喪食既行程。