腐心蛋糕

終於都做番ｄ似"女"既野。主角係心型"豆腐紅豆芝士凍餅"，YY一聽到即笑： 咁咪即係情人節整個負(腐)心蛋糕？!

課室設於Sogo Club 16/F, Sogo Leisure Corner度。一班有十多人，導師係一個4眼兄台，加3個助手。

所有材料都係現成，餅底既消化餅已經砌爛，牛油已經溶好，紅豆都事先煮熟。我地去到，都只係將d cream cheese，whipped cream，豆漿，魚膠粉等撈渾，放入蛋糕模，雪硬即成。面頭再教你點用朱古力做裝飾，加多幾片草莓灑d朱古力粉就大功告成。其實毫無難度。

最趣係d女一見到點整捲筒型既朱古力裝飾時，會發出d讚嘆聲！心諗：唔係嘛，電視都成日做啦，真係少見多怪。








因為打算聽日帶返公司迫ｄ同事食，所以用朱古力寫左"CENTRUM - From A to Zinc"；非常hard sell。最攪笑係其中一個助手見到，問CENTRUM是否我條仔既名！！哇，我都想......a million dollar global brand！