Digital Fortress

剛又追完第三本Dan Brown既小說。

其實開始睇係因為佢既Da Vinci Code太有名之故。之前睇過既Da Vinci Code，同Angels & Demons都係關於點樣抽絲剝繭地解碼，呢本亦唔例外。

最怕d情情塔塔，死唔斷氣既愛情小說；或者係d所謂解釦兩性關係，似是而非既"雞湯"系列垃圾。反而呢d要用腦去一齊諗，唔到最後一刻，謎底都唔會揭盅既小說先可以吸引我去追。

So far呢三本書既故事背景城市我都去過：巴黎＆倫敦(Da Vinci Code)，羅馬＆梵蒂岡(Angels & Demons)，同今次西班牙既Seville(Digital Fortress)；所以對裡面所描述既場景會好容易picture到。

雖然壞人往往中段已經呼之欲出，但永遠都係要你估完又錯，錯左再估，最後先至解到個碼黎"拯救"國家。

哇哈哈，似乎仲未有人成功解到我既New Year Resolution......