墳場內的齊天大勝

一年兩劑既例行公事：拜山。

8am隊完杯啡，先去電器道街市買左成大袋花(實在太多山拜)，坐116上鑽石山；join埋梁師奶同一樣住新都城既堂妹。

極速掃完鑽石山同法藏寺之後，就直往親戚最多既長沙灣天主教墳場。上到山頂阿嫲個墳時，竟然見到有兩隻馬騮出沒！真係唔知家陣搵食艱難到要走出市區覓食。阿悟空大哥不時攀上樹枝上仰望，一陣又落黎執起墳前ｄ包點祭品食。一個清明都應該餵得佢地肥肥白白既。
















陪梁師奶走訪埋4個婆婆嗰邊譚姓親戚既墳；佢又唔適plan好條拜山route，真係變相通山走。原來小時候有數面之緣既姨婆，張車頭相成個鄧碧雲咁架。

之後......哈哈，又係去「囍點」食晏(無錯，係連續3日，仲要係食同樣既野)；因為阿師奶實在太鍾意嗰度。