海防博物館







早兩日阿丁響個blog度忽然興起話想去，反正我自己都未去過，就柴娃娃下午殺入筲萁灣。

東大街行到盡頭，見到山上既博物館，立刻打消行上去既念頭，冒住比的士佬"小"既情況下，伸手折車。結果原來門口就係身後馬路對面，入場後係有電梯直上8樓！

整個博物館都係建於一個舊炮台建築內。

室內展覽廳就係響炮台既唔同個室展出唔同年代既文物；例如舊既弓箭，南京條約複製品，唔同地方出土既炮彈等等。 室外有唔同既大炮，火藥庫，壕溝，魚鐳........







我地睇完室內，再沿出面既古蹟徑慢慢行落山，一邊參觀埋好幾個舊水庫/油庫，屋頂有株大樹既根由兩層樓底下伸出既軍營殘蹟。

以為週末會多人既我地，真係跌晒眼鏡。成個下午真係多見樹木少見人，工作人員仲多過參觀人士。$10入場費，真係唔知夠邊度既支出。