新玩具FX30

自從見識過Carol部舊款Panasonic Lumix相機既防震有幾掂，一直心思思想買；因為家陣用緊既Sony T1一拍夜景好容易震，有時真係扎住馬拍都係朦。

放工約左卡生出旺角shop相機。友誠就完全無相機賣，樓上既相機中心都係只有水貨。

睇完百老匯，結果少有地發現隔離豐澤比較平同埋多d野送。

玩完唔同model後，結輪都係家陣林嘉欣大賣雪櫃廣告既FX30功能外型最平均，放震亦都最好。
$2850，我揀左好特別既寶藍色；送2G SD card，多塊spare電，保護貼，小型腳架.......卡生仲老屈左佢多條頸帶，同埋d比較無謂既魔豆&雨傘。

我就被sell奉獻多$388去延長兩年保養，加埋損壞既保險；當然事後被卡生話我蠢啦。

結果個多小時落黎，就提住呢部新玩具行出去喇。黎緊幾日，又係刨menu時間；每逢買新電子玩具，最enjoy就係對著個menu試functions既時候，就好似識左條新草，永遠都係explore既階段最有興趣架啦。