久別重逢

係講「迎囍」既$1380(雖然已略加到$1388)套餐。自從上年有一次黎過覺得水準下降，已經ban左好幾個月；既然廖太聚會今晚一行9人，就再越級挑戰呢個12人套餐。

條東星班仍然係蒸得剛剛好，其他野都有番之前既水準。最攪野係個所謂翅，竟然加左平時甜品用既大粒透明珍珠，中菜真係未見過。

奶奶當場派機票，離北海道又邁進一步，哇哈哈.......

大家已經盡晒力，都有5盒野打包，好彩阿二同Moly肯哽。其實我寧願叫少ｄ，唔夠至加，好過一開始就眼闊肚窄，叫左又食唔晒。