持惡行兇

週末朝早7點要返工已經唔多夠訓，10點半約左梁師奶去太古城匯豐開個Saving Account(我做佢既Power of Attourney，所以都要一齊去)，一攪個多小時，就燥上加燥。

陪佢去Food Court匆匆食埋野，本諗住襯日圓呢排低，1pm前趕去東亞換番ｄ現鈔下個月過去洗。

點知，counter個"嬸裝物體"竟然話：唔好意思呀，我地無日圓現鈔。

我(一愕)：唔係嘛，日圓又唔係冷門貨幣，你地真係連JPY10,000都無？

東亞阿嬸：總行就一定有，我地都係要有客黎對換，先可以幫你留起；下星期都未必有JPY90,000比你。

我：大不了我而家用今日既價同你買左先，我下星期六先過黎取現鈔喇。

東亞阿嬸：不過就算今日幫你買左電子貨幣，你都係要去總行補差價提現金架；我地唔可以由總行運d現鈔過黎。

我(開始發作)：咩叫唔得呀？我去買衫比左錢都可以叫第二間舖tran過黎啦，唔通我住天水圍都要為左換幾萬yen搭車去總行？時間同車費都蝕埋比你啦。

雖然好似有ｄ將早前響匯豐等候既怨氣發洩比東亞，但就算我唔係ｄ乜野大戶，都唔算散客啦。甚至唔介意先比錢，後補少少差價取貨，都無理由叫個Supreme Gold客戶動不動要去總行排掛。

個阿嬸比我兇左兩句，立刻打去我開戶既灣仔分行serve開我條女，唔駛兩分鐘：梁小姐，我地今次破例幫你tran過黎，你下星期六9am一開門就有架啦。

"唔該！"呢個至係我要既答案。

雖然我都知呢個世界惡係會有時將不可能變成可能，但換日圓都要個Supreme Gold客咁X麻煩，我唔覺得今日算abuse呢樣野囉。