沙嗲軒

聽奶奶提過，蘇絲黃亦都推介過既馳名"海南雞飯"，位於城市花園酒店地下「沙嗲軒」。

3條女捽完腳就坐小巴過黎我地頭試一試佢。

地方頗大，而且戶外有枱，方便煙民。雖然聽之前黎過既阿二同表妹對海南雞評語麻麻，但都無理由唔比多次機會佢。

海南雞飯，星洲炒蘿蔔糕，叻沙，半打雜錦沙嗲，加多加多，巴東牛肉。












佢既招牌海南雞就無阿二講到咁奀，但份量細之餘，味道唔算得出；講到咁有名就真係言過其實。叻沙湯底太稀，始終唔夠佐敦既「星馬軒」。









反而炒蘿蔔糕，沙嗲同巴東牛肉都幾得喎；尤其係沙嗲，香口但又唔太乾。

整體唔差，不過亦唔算有驚喜。