探病

住樂富既林uncle，早前因腎有事入左QE廿多日，甚至要訓深切治療部；呢兩日病情好轉出左院，我就襯放假下午過去探望。

年初一拜年後都無見過，林uncle瘦左好多；頸上暫時造左個口，要一星期返去洗血兩次(每次要坐成4個鐘架)。兩個月後會響個肚度開個口，將來可自行響屋企洗肚，一日3次，每次個多小時；同當年余經理老豆一樣。

其實屋企要照顧長期病患者，須要好多人力物力。佢地已第一時間今日請左個印庸，攪得手續黎都要兩個月至到；希望遇著個有耐心同盡責既，可以幫手分擔吓。

梁生當年入院4個多月，一直都一棚醫生護士照顧住；當中返過屋企只係兩個週末既home leave，所以我地只係感受到日日出入醫院既頻撲，無法想像要長時間家中照顧既壓力。

得閒真係要多ｄ過去探吓佢地。