War Game

呢個係復活假期既重頭戲：同班惠氏同事打野戰。

9am同細Dee，Johnny & Daisy行去集合點，油麻地廣華街郵局。沿途已經見到好多著晒私伙迷彩衫，甚至有d自備私家槍既人；開始覺得有d壓力，似乎我地呢班惠記就最唔pro。

一行30人坐半粒鐘大巴入西貢菠蘿輋，一間叫「先鋒」既開始大半日野戰樂。









擾攘左成粒鐘，借衫，頭盔，面罩，氣槍，槍夾，一大樽BB彈。仲有一輪講解，真係開波打第一場都11點幾。

頭3個回合都係上面守，下面攻黎搶紅旗；唔算太刺激。

黎個中午放飯，一班人對住堆飯盒都食得津津有味，因為實在餓。

下午轉左兩個場，打左5個回合。有高過人既草叢，竹林，鐵皮屋，斜坡，牛屎，金塔........有時埋伏等得耐見無人黎，唯有自己攻出去(即送死)。BB彈打落會有ｄ痛，好彩我無被打瘀。最尾一局係"大屠殺"，死得仲快，因為見人就射！！

5點收工，攰就唔係太攰，但就報銷左一對陳年Air Max(個底比我攪到散晒)。