吹左半日家事

一向甚少理別人家事，但見林家呢排為uncle既病煩得人昂馬翻，約Carol下午去又一城食個晏吹吹水。









Carol同埋我既契女巢樂然，連同兩個林氏靚妹一齊出黎。地點揀溜冰場旁既EXP；食物一般，有d似Pokka Cafe feel，但勝在唔貴。

睇住佢出世既巢樂然，唔經唔覺都12歲(真係唔認老都唔得!)；牛高馬大既佢，比想像中懂事，識得睇住兩個表妹。









飯後三個細路去AMC睇Mr. Bean on Holiday，我就同Carol坐響外面XTC一邊食gelato，一邊聽佢呻。其實屋企有人患病，大家都須要時間適應。有d人比較勇於面對，有d人初時點都有逃避心態，接受唔到突如其來既壓力；凡事但求盡左力無愧於心，見一步行一步啦。