乾濕兩吃

長假期後第一日返工忙到嘔，晨早同美國先黎個兩小時webex/telecon，下午又要同裕利開會，中間偷時間整埋個GM Report，差不多連水都唔得閒去斟。









有d呆滯地放工，約左剛由馬來西亞充完電返黎既卡生，同佢老友Amy，去金百利樓上既金羅寶食飯。唔講唔知原來卡生都幾好賭，可以響雲頂賭場銷磨大半日。

呢度份量比較大碟，而且味道唔差。先叫個雜錦烤肉拼盤，集齊雞牛豬同蔬菜，都幾襟燒。半飽時再追加左個泡菜八爪魚牛肉鍋，呢個真係超巨，牛肉長食長有；反而兩隻八爪魚就因為太飽而結果都無掂過。

今次試既韓國酒係比較甜既"山查春"，同repeat味道幾清淡既"玉露"。

飯後一齊上Amy屋企陪卡生幫佢整部新laptop既簡/繁體語言轉換問題。看似容易，但結果都擾攘左大半粒鐘，裝左好幾個software，都無乜喜色；玩到近12點終於放棄，聽日大家都仲要返工。