夠邊個食？

早兩年經高人阿Paul提點，我個個月頭做數越來越出神入化，結果香港2006年度獲得全球forecast accuracy比賽，B組國家(即細地區)既冠軍。

雖然知道會有現金獎，反正點都係諗住會囉番出黎同班同事食左佢架；佢地甚至懶隆重咁叫月底黎既John頒獎比我地添。

正當我諗住可以book邊度同d同事食豪少少，點知finance打黎話會開張$250既支票比我地!!

我馬上好大聲咁回應：$250？!夠邊個食呀？每人叫碟叉燒飯都仲唔可以跟例水添呀!

Finance Mgr：你唔好咁激動住，係$250美金呀。

語氣好番少少：咁$2000都可以食餐晏既，但乜global冠軍都出手咁低呀……

後註：經香港上海finance一論擾攘之後，原來係每人250美金；咁都似樣d啦。