梁師奶又"買菜"

買樓如買菜既梁師奶又再出動。

事沿現住既新都城3期不時電梯大堂有煙味，後樓梯有煙頭，隔壁又不時煲中藥攪都好大味......咁就要換樓？係，佢就係咁。

下午突然打黎話叫我陪佢睇樓；同時問我會唔會考慮同佢一齊住，我即時好reflex action地話：唔好啦掛。相見好同住難，寧願返去食飯密ｄ都唔可以連夜晚一ｄ私人空間都無。

佢既心水係調景嶺站既「維景灣畔」。我下午陪佢睇左4個單位。基本上環境更勝新都城，地下平台較寬敞，大堂及公共設施都算新。而且有條小徑可比住戶放狗，阿烏唔駛落街放，做狗都矜貴ｄ。












不過論方便就唔及新都城，呢度樓下有百佳同惠康Superstore，酒樓，食市同便利店都勁多。維景灣畔相對商場細好多。不過睇師奶既生活模式，如果佢value環境多於便利，搬都未嘗唔好既。

佢條友家陣心大心細，希望都係煲無米粥啦，否則有排煩。