老細你又唔早響！

Ivan指使佢司機小張去機場接我，直接到公司。

午餐當然佢無待薄我，5個人叫成枱野：燻魚，素鵝，糯米釀紅棗，紅燒肉，魚翅煮干絲，紅椒蒸鰈魚，膏蟹海鮮湯，炒通菜，鹹肉油豆腐煲，荵油拌麵。點努力都無可能食得晒。

開足一個下午既會，同Ivan傾新產品，同三舅父傾數字同marketing programs，再搵埋佢下面傾埋Centrum promoter training kit & consumer research......咁又5點幾喇。

猛同Ivan & Keith稱話我大把野做，今晚會自己攪掂就返去住開既「古井假日酒店」check-in。

懶得再出去，明知難食都留響酒店餐廳解決；結果就隊左個近年難得一見既超老牛腩湯麵，同會食到成口油既鍋帖小棠菜。都係落去lobby lounge享用佢杯welcome drink比較似樣ｄ。

老細John好似夜晚8:45pm先發現我上左黎，猛sms話叫我出去食飯，又問我住邊........放過我啦John，我都想同你食，但個胃quota已盡，你又唔早響！！