德國壽宴

約左路姐入赤柱同卡生補祝生日。昨夜酒醉剛醒既路姐一貫香艷，比個跌膊短裙look黎賀壽。

本來book左美利樓既香辣屋，但個室外view實在強差人意，輾轉上去樓上既德國餐廳坐低。
風涼水冷無敵海景，頭頂有吊扇吹著，所以幾舒服。

鹹豬手，德國腸同啤酒都係必點。其他既lasagne，mushroom green salad，salmon & potato salad，bretzel & bread sticks都唔差。係個海鮮清湯就淡口得滯。
可能呢幾日天氣都唔穩定既關係，週末既赤柱比想像中冷清。連海旁既酒吧都無平時人頭湧湧既情況；不過咁樣仲行得自在啦。