尋找仙境之橋
唔係銅鑼灣得早場做，都唔駛勞動奶奶佢地過黎太古城睇戲。

東亞信用卡送既UA戲票，UA太古城，3:20pm。

真係比張電影海報呃左，睇個款以為會好鬼異，但結果完全貨不對辦。成個故事都係圍繞住兩個孤獨無乜朋友既小童，變成好友後自己幻想出黎既魔幻國度。幻想唔緊要，但都比多ｄ神怪特技我地睇呀！

我睇到中後段都唔多明白個故事，真係有ｄ汗顏。

無啦啦要個女仔死左固然有ｄ怪，講友情著墨點又唔夠。可能無期望中既黑暗已經令我失望不已，所以更加領會唔到兩個自閉小童，一段精神分裂幻想拍出黎既個多小時電影，有乜感動之處。