咁大個都怕黑？

7月中既台灣之旅又會延長。

反正一場去到，三舅父叫台灣既同事開完會之後一日(星期五)安排個field visit比香港同大陸既同事，了解佢地呢幾年善存做得咁好，有咩值得借鏡。

咁"筍"既行程，我當然會預埋余經理啦。

佢自己遲我兩日過去，我地會hea埋weekend，星期日下午返(仲趕得切帶新鮮老天祿鴨翼比梁師奶加餸)。

余經理一個人過去，話唔想入夜先到；我本以為個理由係過左食飯時間難搵食，點知佢既答案竟然係：怕黑！！

唔係掛，咁大個人都怕黑？而且台灣可能比香港治安更好。回程同佢同機，叮囑左Debbie一定唔可以將我地劃埋一齊坐，否則有飛機恐懼既余經理，全程輾轉反則，我可能忍唔住會發作架。