失憶

呢排日夜為迎接大廠過檔既臣哥，長週末3日day day收零晨3-4點。連我call同sms都唔覆，心知情況嚴峻，都係自動識趣消失。

尋晚把聲半條人命既佢終於蒲頭。由飛的士返家，上樓既十數分鐘，佢都力撐聽我埋怨。結果上到樓唔駛一陣，又係一片靜默..........."喂....喂!!!!作死，又訓左？算啦，早抖"

唔駛審一定係和衣躂落床就大昏迷。

乜我把聲真係咁催眠？都已經係第4-5次講講吓(或鬧鬧吓)訓著。

最抵死係，當事人今晚返屋企，又係飛的途中打黎："係咩？乜我尋日有打比你？幾時既事，講到邊個位訓左？"

唔係嘛，又要從頭呻過？咁今晚講既野，聽日又會唔會記得架？