Ad hoc lunch @ 譚仔米線

今朝仍然有少少掙扎應否去荃灣愉景新城睇元暢，最終決定無理由佢一場黎到香港，又適逢週日我都唔去架。途經荃灣途中，drop by深水埗約卡生再到「譚仔米線」encore個美味既酸辣米線。

一出高登商場就遇到隔離樓上火警冒煙，我咁大個人都係第一次現場見消防隊開水喉；如果唔係肚餓，都會做街坊八多陣。

仍然係坐番上次個位，今次我由"4小辣"升級到"3小辣"，卡生亦都升級到"中辣"；墨丸依然彈牙，不過豬腩肉實在太肥，同銅鑼灣「南記」差好遠。今次捨土匪叫麻辣雞翼，亦到好惹味(雖然勁熱氣)。

反正去台灣都係日日隊熱氣野，先黎熱一熱身吧。