林氏姊妹初踏重慶

「咖哩皇」真係應該付我廣告費。

先後有數個朋友都係睇呢個blog而要求去試，我本人都去過成4-5次喇。

呢餐生日飯，因要遷就阿巢大小姐既暑假補習schedule，由上星期改到今日。不過生日飯都係攤開黎食好d，唔好一個星期隊晒，肥死。

Carol，巢樂然，佢阿媽菠蘿包，同巢阿爸。帶佢地行條陰森後樓梯，我已經慣晒，佢地初頭見到都有d驚架。

叫既都係大同小異：Masala薄脆小食，羊肉同雜菜Samosa，鐵板羊肉卷，菠菜芝士，瑪沙拉雞，鮮茄雜錦海鮮，咖哩茄子，當然唔少得撈汁必備既烤餅(Special Naan, Cheese Kulcha, Onion Kulcha)。

4大人加一個自認"青少年"既12歲，9折後都係$300落樓，偶一為之既抵食選擇。