質問

質問1

梁師奶返黎見到阿烏，已經問點解佢塊面d毛毛黑左咁多。

尋晚我一入門口，就被佢質問：你到底呢3個星期有無抹地架？

我(第一時間)：有喔!!

師奶：有?!我今朝差不多抹左成卷紙，個地都仲係黑架。

我(死撐)：我只不過係局部抹之嘛。

師奶：唔怪得之個仔尋晚同佢沖完涼會白番d啦；你攪到人地烏卒卒，有無內咎架？

質問2

食緊飯時，師奶又問：乜有BB上過黎咩？

我(愕然)：無喎。

師奶(入房拿物証)：點解d衫中有隻單丁BB襪仔架？

我：.......應該係樓下"北歐"磅洗既贈品囉。

好彩只係隻BB襪，如果佢整條男人孖煙囪比我嘆，真係水洗都唔清!!