北角街市東寶












講左成年，終於都落實今日放工同班同事去渣華道街市超旺既「東寶」。

為免等位，6:30pm就入座食個"早"晚飯。

呢度最特別係用冰鎮左既"戰鬥碗"黎飲啤酒；夠豪氣！

雖然無煲仔飯有d可惜，但小炒樣樣都有水準：

墨汁炒墨魚，食到個個都如中毒般，唔敢裂咀而笑
豉椒炒聖子，風沙雞，避風塘癩尿蝦，狗仔鴨河粉底，鴨汁荷葉飯，XO醬炒天梯，魚湯花膠豆苗，同非常"好肉"既羊腩煲。
最後送左個勁夠薑既蕃薯糖水做結尾。咁食法盛惠$1100，酒樓價，不過勝在夠鑊氣。