9T4飯局

除左Shirley外，低我一屆既9T4都有兩pair返黎香港渡假。既然咁人齊，就相約鯉魚門食海鮮。我呢個9T3因為Gigi同Shirley既關係，當年同佢地唔算太熟都叫做傾得兩句，所以黎"黐餐"。

因為細路們唔多鍾意食海鮮，所以事前先到MaCafe黎個chicken nuggets同shake shake fries打定底。

經師弟Jacky推介，今次試一間叫「港龍」既酒家；裝修算新淨，而且仲比左間門上標誌住"華聯高球會"，牆上掛有Golf Clubs display既廂房。

對於居住多倫多既人黎講，有部份海鮮如癩尿蝦真係好難食得到。基本上今晚既海鮮碟碟份量頗大，同味道都有水準：白灼中蝦，避風塘癩尿蝦，清蒸大東星，豉汁蒸大連鮑，砵酒焗生蠔，豉椒聖子皇......

貴唔貴？唔知，因為係剛結婚但無請飲既Vinky好客氣地埋單；多謝多謝！