舊同學短聚
難得返黎三日，當然點都要抽時間見一見d舊同學。

11:30am Shirley過黎兜埋我，北上幾條街既Hilton Hotel，約左Martina一家大細到裡面既中菜廳Empire Court飲茶。
Martina帶住3個仔，最細既手抱只得15個月。其實大公子二公子都算乖，對住本畫冊自得其樂。不過反而係佢兩公婆有一半時間都係掛住討論幾個仔既衣著飲食，無法專心食餐安樂茶飯。

食物質數同價錢成正比：松子鳳梨叉燒酥，金鉑粟米餃，蝦餃，水果大蝦炒麵，豆苗帶子腸，黑芝麻蛋撻。不過最唔抵都可算係幾個甜品：薑汁小湯丸，炸湯丸雪糕，士多啤梨西米露，份量少得香港既水準都覺得細。









Shirley差不多每年都返香港，所以時時見。反而Martina有3個仔咁困身，莫講話返香港，平時連E-mail都唔得閒check，真係要下次再有機會閃返黎先會再見喇。

Many thanx for the gift Tina...