大禾日式Buffet

舅父舅母放工到Scarborough Town兜埋我地，接埋阿婆阿姨，往北面一間叫大禾既日本料理食buffet。

一個半小時，餐牌上任點任食，大約160港幣。香港水準唔算貴，但呢度再加14%稅同tips，就點都唔算平。
一間窄窄既卡位房間。

外婆唔食魚生，不過都有燒三文魚頭，teriyaki雞，金菇牛肉卷，天婦羅，燒帶子，鰻魚薄餅等比佢食。

呢度三文魚比香港平同新鮮，所以差不多2/3都係同三文魚有關既項目。比較有趣既係三文魚pizza，底部係炸rice burger，鋪上碎三文刺身; 味道唔差，不過非常鬼佬化。