被放飛機

同余經理搭下午機到上海同鬼佬老細們食晚飯唱K。

本來預訂左酒店到機場pick up，但步出機場時影都無!!打去酒店一問之下，原來話路上太塞車所以無黎到，又通知唔到我地。

好彩我都唔會身無分文出trip，立刻自己微雨中飛的士去酒店。

今次入住既係蒲東，東方明珠塔旁既東方濱江大酒店。之前住過一次，房內對住外灘景，講真唔係差，不過衰在唔近office，同埋今次放飛機事件令我對佢地印象大打折扣。