分身家

今朝免費報紙頭版報導香港依照外國案例，按「公平原則」分配財產，無論男女都可向另一半分身家。此舉只會令一眾港女更加唔會(或唔敢)考慮d窮過自己既仔。

剛睇完篇新聞，同臣哥講起電話聽到佢半死既聲：

我：你同我一樣，半死喎把聲
臣哥：你係病死，我係忙死，性質唔多同

我：有個等你搵筆快錢既方法
臣哥：快講!!

我：同我去註冊，轉個頭離婚；家陣香港改例男同女都可以分身家喎
臣哥：分你定分我既？

我：咁你名下有幾多錢呀？
臣哥：立刻去簽紙啦。

哈哈哈。不過奉勸各仍然單身既"攝灶罅"，結婚實屬高風險投資，三思。