提早做Laruce

本來仲有兩個月先夠期番做Laruce直髮，但呢排轉天氣頭髮開始鬆散到自己都頂唔順。襯出trip前死上去Sogo樓上Hairdo搵Daisuke san修一修之餘，花3小時同$1600補多個Laruce，以免個頭越來越師奶。

雖然Larurce唔夠負離子last得耐，但起碼無咁傷。

Hairdo既日藉髮型師已經買少見少。札幌黎既Daisuke san個子唔高，但永遠都係怕怕醜醜唔多話；比起操流利半鹹淡口音廣東話既Yuki，佢真係年半都無嘗試過同我用廣東話溝通。呢個亦都係Hairdo太多翻譯所害，攪到班過江stylists無乜動力去學好本地語言。