五叔

自12月五嬸喪禮後，一直都無見過五叔。

農曆新年佢地頭一年白事又唔方便去拜年，所以早幾日指使梁師奶撥個輪比堂大佬，約五叔出黎食餐飯。

7pm, 銅鑼灣百樂潮州酒家。

堂大佬Benny帶埋兩個細路，梁大少都拖埋女友Sharon出現。五叔精神唔錯，比喪禮時飽滿番d，但就無平時咁多話。

點既都係普通潮州野：炸雙棗，鹵水鵝拼牛蹍，川椒雞，檸檬蒸烏頭，沙嗲牛肉芥蘭，糖醋麵，煎蠔烙，鹹菜胡椒豬肚湯，同清心丸綠豆爽。味道唔見特出，但埋單$1100都唔係平。

香港親戚都已經唔多，耐唔耐真係應該call出黎食吓飯。