人云亦云

呢幾日大陸都話要抵制「家樂福」而炒得鬧哄哄；連Debbie星期五都收到上海秘書同事forward過黎既email。今日更大批打住"愛國"(襯熱鬧)群眾聚集人地門口抗議。

事件起因，只因為網上"傳言"指：「家樂福」大股東資助西藏流亡精神領袖達賴喇嘛。中國網民發起抵制「家樂福」活動正在內地迅速蔓延，波及十多個城市，甚至可能演變為失控既群眾運動。

大佬，網上傳言一向可信性成疑，d"愛國"同胞人云亦云地發起任何行動之前，有無人質疑過傳言出處及可信性？

人地大老細澄清話無此事，公開支持北京奧運，話大家唔應該杯葛奧運等等......點解d人反而毫無反應？

再者，「家樂福」賣既絕大部份係大陸生產貨品，員工亦係大陸人；咁將「家樂福」趕出中國，受害既到底係法國佬定大陸人？