門診風波

外婆有少少喉嚨發炎，所以朝早同阿姨陪佢過對面Woodside Square既walk-in clinic掛號睇症。














10am至開診，早成粒鐘d人陸續去寫低名排隊。

我地等左30分鐘，結果因為阿姨寫既名係響人地刪除名字下面，所以個reception叫佢再排過而發生爭執。連個醫生都走出黎話要阿婆佢地再排過，死唔蝕抵既阿姨仍然唔放棄大大聲囉番個彩。

呢d情景我當然唔會做"炸兩"，只可隔岸觀火等佢地肯走為止。

其實點解喉嚨發炎想拿幾日抗生素要攪到咁大陣像，都係因為呢度免費醫療結果好多家庭醫生都拒收新症；要睇普通傷風咳都勞師動眾閒閒地等佢幾粒鐘.....香港20分鐘可以解決既事，呢度就變成要預半日時間辦既"大事"。

外婆仲叫我退休返黎住，佢真係開我玩笑!!