烏烏陪坐

尋晚YY約左Ophelia晚飯，咁ad-hoc，但我又想join喎，唯有諗個一石二鳥既方法：就係的埋阿烏烏落去陪坐。
咁大陣仗，地點當然係樓下新都城商場既「香辣屋」，皆因有幾張枱響出面可以靜局ｄ，帶埋個衰仔入去都無咁揚。

雖然同一個集團，menu亦差不多一樣，但將軍澳「香辣屋」比起銅鑼灣食街既"iThai"味道好得多：辣椒膏炒聖子，香茅燒春雞/糯米飯，泰式珍珠椰菜，鮮蝦柚子沙律，軟殼蟹芒果米紙卷.....同埋一杯唔太甜既龍眼冰。

YY同阿烏係初見面，好彩佢今日非常生性，整晚抱住佢響膝上，靜英英成條大毛巾咁；連部長及侍應都抽佢水。