花樣男子37

前日經過漫畫租書店，發現2004年畫到36本大結局左既漫畫"花樣男子"(台灣譯作：流星花園)，竟然出左後傳.....第37本。

故事講到道明寺去左紐約後，佢地幾個再因為去法國參加滕堂靜既婚禮而聚在一齊。雖然有少少畫蛇添足之感，但久違既F4同杉菜，都令人幾懷念架。

作者神尾葉子好似想撮合杉菜同花澤類般，對花澤類呢個角色著墨不少；連我呢個道明寺迷都覺得書中花澤類比較討好。

有少少衝動想翻開陳年DVD出黎煲"流星花園"第20次添.....




聽奶奶講，日版"花樣男子Final"電影版將於月底響香港上畫，有睇過日劇"花樣男子1-2"(松本潤，小栗旬)既，有無興趣一齊入場？