K Birthday Buffet

約左林氏姊妹食生日飯，有"咪霸"巢大小姐在場，當然係K buffet最抵玩抵食。

尖東港晶中心Neway，7pm。

食物種類唔算少，刺身即製手卷片皮鴨碗仔翅蒸魚火鍋乜都有，味道唔好expect有驚喜，但$98人頭費+$28buffet，無nuts無果盤，生日既我免人頭費兼有整個蛋糕一枝果汁酒送，想點!!

Neway有d國語歌幾新，如王傳一同F4既新碟都有得唱；但唯獨是周杰倫就只有最早期既歌，吹脹!!

巢小姐怒唱Hotcha之餘，人細鬼大地13歲唱阿梅既"烈焰紅唇"，感覺非常詭異。

多謝晒收到既生日禮物(真係又食又拎添)；新一隻扒地水晶小狗，可以同去年收到既配成一對。巢小姐都響零用錢到自掏腰包送左枝hand cream，炎炎夏日，留待秋冬先開。