名過於實：ZOE Cafe

早已聞名呢間餅店好多名人愛幫襯，銅鑼灣希慎道開分店一段時間只係經過；見早前奶奶po既post先撩起條筋想試一試。









約左Connie同Jeffrey下午先去附近南記隊個春卷腩仔肉米線晾一晾肚，先到Zoe食飲下午茶。

真係名符其實既小店，小桌三數張，好彩岩岩有位。
一口氣試左兩個鎮店之寶：賣點話有1459層酥皮既拿破倫"1459"，同埋以店名命名既"Zoe"。前者其實係三層酥皮夾兩層牛油忌廉，酥皮香脆但點睇都唔似有千多層(比到盡頂多每片30層)；後者榛子mousse雖然香口，但賣相唔特別。


每件蛋糕比手掌還細，賣$30著實有d貴。

加多杯咖啡$33，埋單就已經一舊水；真係行過隔離Agnes b餐廳好過。

論蛋糕賣相，都係Antique比較花心思；唔知是否真係受日劇"西洋骨董洋果子店"既影響，無論店名同糕點都如出一轍呢。