Facial小插曲

本來習慣星期六做facial既我，因為尋日要做三陪，所以改今朝，點知誤打誤撞解救左一場可大可小既水災。

正當美容師Erika幫我按摩面部之際，忽然停手衝出房；唔夠半分鐘立刻傳出求救聲：Gloria，弊啦，坐廁條鹹水喉爆左，點算呀？!

我見真係有水柱噴出，地下已開始有兩吋積水，好似拍電視咁。個鹹水總掣亦實到扭唔郁，幸好管理員上得黎快，馬上上樓關大廈水掣，先可以暫時平息。

Erika同管理員伯伯已經被鹹水濕透，狀甚狼狽。

好在星期日都搵到師傅上黎整，$350兼半小時內攪掂。

雖然結果比平日遲一個鐘先走到，但因為改日子而無意中幫佢解決左呢單絕對會水浸到落樓下既一場浩劫.....不幸中之大幸。