有拖無欠的壽宴

本來尋晚既生日飯，因為打風「炳記」唔開門而順延今日。結果臨時加多Connie同Jeffrey兩位食客，一齊幫手殲滅隻肥死人不償命既糯米雞。
Marinda非常利害，home-made朱古力麥片曲奇不特只，packing絲帶更印有"Marinda"字樣，非常pro。阿廚神應該可以考慮出黎開檔。









黎過多次既我，都係推介番blog上都po過既大部份菜式；唯一新嘗試係"過橋豆腐配海鮮汁"，基本上即係炸鮮奶表皮既豆腐磚，加多個鍋巴汁。









雖然大家都食到好飽，但Annie特地買既超濃朱古力蛋糕當然要試；裡面係實心朱古力，甜得黎好香，超級滿足。好彩唔係太大，8個人share剛剛好。