早放？想得美!!

以為勞師動眾成公司去太古城「西苑」 食晏，會好似過往有得早放.......唔係中秋正日，HR一個澄清就將呢個美麗的誤會粉碎。

食完仍得死死地氣返公司繼續執包袱。

德宏既最後一天，長週末後又回歸林肯。開始數轉將ｄ私人物品拎過去安放好。

雖然唔係第一次搬office，但就係第一次搬去唔係自己既獨立office；聞說新同屋主靜過鬼，希望唔地平時開會ｄ炒蝦拆蟹粗口橫飛既聲浪唔會嚇親佢地。