泰簡單

奶奶生日，為左唔想再encore食到頗厭既$1388套餐，Annie提議試新野：銅鑼灣總統樓上既「泰簡單」。

電梯一上去，就被門口既大木佛臉譜同其他裝修佈置所吸引。

好大個露天區域，簡直係煙民既喜訊；而我地一行11位廖太就被安排隔離其中一個係咁意都叫做有冷氣既半露天個室。

碟頭唔細，味道亦都幾OK喎：鮮炸蝦餅，香燒咖啡骨，泰式蝦多士，椰辣鍋巴，柚子沙律，冬蔭功，皇宮大蝦蛋網炒貴刁，香脆芋絲餅，"飯桶"(肉鬆欖角味飯)，"金枕頭"(法包內藏咖哩海鮮)，蒜片椰菜苗，露筍肉絲銀雪魚等。

除左咖啡骨被稱無咖啡味，其他既都有ｄ水準。

過多兩個月秋涼坐室外都應該既舒服。