下一站：水牛乳甜品

於室外大噴口水到11點多，轉個地步食甜品。









附近「發記甜品」咁夜仍然要等位，所以試左隔壁專賣"清湯崩沙腩"既御品軒。

門面同內部裝修都好有中國地方特色。除左牛腩，水牛乳系列既甜品都有個獨立Menu。

我同露姐都試"紅豆雙皮奶"($25)，卡生就整左個"冰燕龍眼水牛乳"($30)。
雙皮奶份量較街外小，個碗比手掌心還小。奶底算滑，但面頭太多紅豆，食到尾紅豆多過奶就顯得甜。

個假燕窩亦被卡生形容為偏甜，相信幾粒龍眼唔應該會有呢個甜度，唔通大陸水牛乳，除三聚氰氨外，更加左糖精？