由陽光與海灘到冰天雪地

真係世事無絕對，本來話左年會confirm去印尼渡假聖地Bali，一句鬼佬話唔准出國，就180度改變，去東北哈爾濱。一聽到呢個地點，怕凍既Debbie已經扁晒咀。

原本話一月初，因臨時轉地點hold唔到400人既酒店房，所以尋日先落實1月18-22號北上。

香港無直航機往哈爾濱，要去北京轉機；已經有幾位同事計劃留響北京多玩幾日，反正公司出左機票。

唔好講笑，家陣已經係-16C，一月只會更凍，大有可能降至-25C。好彩去年響多倫多Walmart以加幣$9.90(約HK$62)買左對雪鞋，終於都可以開封。

其他同事，就要睇睇日本會唔會見到奶奶提過既防跣鞋套喇。

經今年2月先去過哈爾濱既奶奶教路，已經置埋條內有薄fleece履既放水雪褲。更重要係要買大量暖手包，除左攝入鞋內外，更加要暖住個寶貝相機，否則乜鬼冰燈雪掛都影唔到上blog。