真正大忙人

呢個多月黎喪飛既Annie，剛由蘇黎世返黎，下星期又去第二個家上海，難得今個weekend比我地捉到佢出黎食甜品。

自從上次態度惡劣既死靚妹waitress激親我地後，都好一段時間無去名店坊既「麻布茶房」；呢度勝在地點就腳，同埋夠靜局，比多次幾會佢啦。

雖然食飽飯，但新menu好多野都頗吸引。結果我就捨軟雪糕，叫左碗和式"抹茶白玉紅豆湯"；白玉者，係湯中載浮載沉既年糕粒，非常滑口。抹茶頗苦，剛好中和甜到漏既日式紅豆。唯獨係唔夠熱，有d扣分。

其他三位則不約而同叫牛奶軟雪糕既甜品：香蕉忌廉芭非，雙莓芭非，白玉紅豆。

今次雖然都係頗MK feel既侍應serve我地，佢只係有時扮聽唔到，但起碼無上次玩得大到要叫個經理黎炳啦。