超貴老飯店宵夜
大頭蝦阿二櫃桶底收埋d「香港老飯店」coupon，足足有$440今日到期；呢個唔係重點，重點係....佢夜晚10pm先發現!!

臨時臨急，得我同Annie會咁ad hoc晚飯後隊多餐，久違既"宵夜三人組"又再復活(下次幾時又去稻香打個宵夜邊爐？)。

$440響老飯店唔係好襟洗，因為佢真係overprice得好緊要：冷盤雙拼(醉雞/脆鱔)$168，豆沙鍋餅$100，2x酒釀丸子$30ea，杏仁豆腐$30；茶錢+花生+西瓜兩小片。如果黎呢度晚飯，可以想像幾咁天價，但味道又只係普通。
Annie見我狂向西瓜灑話梅粉，佢竟然以為我無啦啦灑胡椒添，哈哈。