Centrum Mascot

尋日開始，整整一個月，地鐵站太古坊出口買左塊巨型Centrum戶外廣告牌。
既然咁近公司，決定再出山扮Centrum樽，於上班繁忙時間企響個廣告牌前，一定大收宣傳之效。雖然余經理同Sinmei都勸過我唔好自己黎，因為實在太辛苦，但咁近公司落樓下就係，無理由人一世物一世，唔試試架，所以堅持親身上陣。

7點多就同Michael返到公司，連同裕利trade team既阿屈同興哥，抬左幾箱產品+原子筆，由8am派到9:30am。
我就企響隔離不停揮手。又熱又焗都預左，手都軟埋就真。

最趣既係一開波無耐，有個叔台埋黎指住我，話鬼身邊既Michael：哇，乜你地咁蝦d窮人呀？!

我真係想回佢：阿伯，我係自願既，而且分文不收!!(但怕佢會更鬧：你連我地d窮人份工都搶埋....)