新b仔餐廳：La Loggia @ ifc

約左廖太們食飯但未夠鐘就被Annie拉左出黎，所以兩條女蒲到新開張僅10日既Agnes b一站式旗艦店LA LOGGIA。

中環ifc mall3樓，佔地萬五平方呎，好似踏進一間b仔百貨公司一樣。整間店主要分為兩邊，一邊主攻服飾，有男女裝部、BIJOUX首飾部、Sport b.同Maison sur l'eau旅遊概念店。另一邊主攻生活，有le pain grille餐廳、DELICES朱古力店及Fleruriste花店。

我地只得短短半小時空檔，所以無時間慢慢參觀，只係去cake shop揀左兩件cake到出面sidewalk table坐低。

酥皮pastry "Millefeuille"牛油味香濃，酥皮層數唔少，但就唔係太脆。反而外表"黑黑實實"既"Chocolate Truffle Cake"就喜出望外地出色，朱古力香得黎頗有質感(是否太抽象？)，但唔會太甜。$28件(真正入正式餐廳內食就唔係呢個價)，坐低食都無加一；星吧克價，Zoe質素，連Annie都盛讚。

最攪野係又再碰到無論去邊間b仔餐廳都見佢既資深乸型部長，帶我地入餐廳內到處參觀。面積頗大，而且裝修得好Grand；係我見過咁多間b仔餐廳最華麗既。落地玻璃外有一列露台table，面對中環夜景，比煙民們把酒"吸新鮮空氣"。

有機會應該Lunch試試，因為會比較抵。