縮左水既「藍納泰」Lunch Set

年尾反正要清假，既然約奶奶睇戲，索性告日假避開人潮睇下午場次，之前約埋阿丁出黎時代廣場11樓「藍納泰」食個lunch。

呢度既Lunch Sets唔算貴，$58-$72有前菜，主菜，飲品，同甜品。食既係泰式略帶fusion，樓底高裝修空間感大，整體感覺高檔。

前菜：炸魚餅，青芒絲沙律，清邁炸春卷

主菜：黃咖哩蝦球海鮮拌飯，甜酸炒龍脷柳拌香茅油飯，碳燒脆鱔/墨魚拌香茅油飯

飲品：鮮青檸蜂蜜，柑桔蜂蜜

加埋甜品既泰式糕點拼盤。

以前都有黎過食晏，印象中份量頗大，會食到撐。但隔左年多再黎，感覺主菜portion細左好多；但女既食量就剛剛好。仍然唔算貴，但無咁抵。