香滑咖哩屋

以又想試新野budget又要平既原則下，Annie提議去中環試呢間午市時大排長龍既咖哩屋。

位於H&M往上環方向一個街口，嘉咸街斜路上。

裝修頗平民化，主打"港式"印度咖哩。四位套餐$238，兩位則$138；我地就黎個4+2。六碟自選咖哩，加白飯或印式薄餅，油菜，飲品，另有甜品/生果。

馬德拉斯燴魚，好味咖哩雞件，粉絲咖哩蟹，XO醬爆鮮魷，馬沙拉燴海蝦，海南咖哩牛腩。

味道，講真只可以用不過不失黎形容；當然唔夠重慶大廈既正中。個薄餅太乾，而且唔香。但呢個價錢，呢個地區，叫做value for money架啦。

最趣係阿二因為趕住去shopping，匆匆叫埋單；事後先醒起我地未食個套餐甜品！